pyaar mujhse jo kiya tumne to kya paaogi

September 1st, 2009  |  Published in Gazals








pyaar mujhse jo kiya tumne to kya paaogi
pyaar mujhse jo kiya tumne to kya paaogi
mere haalaat ki aandhi mein bikhar jaaogi 

pyaar mujhse jo kiya tumne to kya paaogi 

ranj aur dard ki basti ka main baashinda hun
yeh to bas main hun, ke is haal mein bhin zinda hun
khwaab kyun dekhu woh, kal jispe main sharminda hun
main jo sharminda hua tum bhin to sharmaaogi 

pyaar mujhse jo kiya tumne to kya paaogi 

kyun mere saath koi aur pareshaan rahe
meri duniya hain jo viraan to viraan rahe
zindagi ka yeh safar tum pe to aasaan rahe
humsafar mujhko banaaogi to pachtaogi 

pyaar mujhse jo kiya tumne to kya paaogi

ek main kya abhi aayenge dewaane kitne
abhi gunjenge mohabat ke taraane kitne
zindagi tumko sunaayegi fasaane kitne
kyun samajhati ho mujhe bhul nahi paaogi 

pyaar mujhse jo kiya tumne to kya paaogi
mere haalaat ki aandhi mein bikhar jaaogi

pyaar mujhse jo kiya tumne to kya paaogi

Subscribe

Get articles in your inbox.

Enter your email address:

Join Us

Twitter Chatter


Recommendations

Archives

Categories